మధుసేవ
------------------రావెల
*******************************

నల్లటి మేఘాల గుంపులన్నీ
ధరణీతలాన్ని చీకటి
గుయ్యారంలా మార్చివేస్తున్నప్పుడు

వసంతాన్ని వాకిలి చెంతకు
చేరుకోకుండానే కొందరు విఫల మనోరధులు
ఆటంకపరుస్తూ ఆత్మ తృప్తినందుతున్నారు..

పాతరలోంచి పైకుబికి వస్తున్న గతకాలపు
జ్ఞాపకాలనన్నింటినీ విజృంభించి విస్తరించకుండా
తీసుకోవాల్సిన జాగ్రత్తలను తీసుకోవడంలొ అలక్ష్యంకూడదుసుమా!!


దిగులు చీకట్లు మనో వైశాల్యాన్ని
ఆక్రమించుకుని దు ఖభాజనం
చేయాలని తీర్మానించుకుని
అలజడులను సృష్టించకముందే
మనముందున్న మధువును సేవిస్తూ
మధుపాత్రలను ఖాళీచేస్తూ
 పానశాలను పునీతంచేద్దాం---

[ఒక చైనీస్ కవితకు స్వేఛ్ఛానువాదం]