మాటలు సరిగ్గా పల్కడంలేదన్న మాటే గాని
మనసులనన్నీ ఇట్టే దోచేస్తుంది,,
చిన్ని చిన్ని సినిమా పాటలకు కనుల పండువుగా
తనే నృత్యం చేసి మురిపిస్తుంటుంది..


తాతా అని పిలవడంలోనే
 తన్మయత్వాన్ని రంగరిస్తుంది..
కోపంవస్తేమాత్రం కళ్ళలో
రౌద్రం కురిపిస్తుంది..
అక్కంటే తనకు ప్రాణమని
అందరికీ వివరిస్తుంది..
ఇద్దరంకలిసి పాటలు
పాడదాం రమ్మని వేదికపైకి
ఆహ్వానిస్తుంది..
వచ్చీ రాని సంగీతానికి
కనుకొలకుల్లో భావం చిందిస్తుంది..
తప్పని చెప్పగానే ఆహార్యం మార్చేస్తుంది..
అందమైన అందరి  హృదయమందిరాలకూ
తనే 'బాసు  'నంటూ ప్రల్లదాలు పలుకుతుంది..
ఇదేంగొప్పా? అనగానే పకపక నవ్వేస్తుంది..
================================