వాస్తవాధీన రేఖకు దూరంగా
---------------------------------------రావెల
ఉదయం తెల్లవారుతూనే
నీ నగుమోమే నాకు ఒకప్పుడు
స్వాగత వచనాలు పలికేది
సెల్ఫీలంటే తెలియనిరోజులో
నీ నగుమోమే ముందునిలిచిన చిత్రపటమై
నాముందు శోభస్కరంగా
సాక్షాత్కరించేది..

ఇప్పుడు యేదిశవైపు దృష్టిని
 సారించినా నా విషాద వదనమే
నన్ను ఎకసక్కాలాడుతూ ఏడిపిస్తున్నది..
మళ్ళీ నీ రాక అసంభవమనితెలిసినా
ఒక ఆశ్చర్య శోభితంగ
ఎనిమిదోప్రపంచపు వింతగా అలా
జరిగితే బాగుండునని
నా మనసు మౌన భాషలో
అభ్యర్ధనలనందిస్తున్నది..
=========================