ప్రభాత గీతం

---------------------
ఇవ్వాళ నానడకదారిలో
నానావిధాలైన దృశ్యాలు
కంటబడినన్ను కళవళ పెట్టాయి..


నెత్తురోడుతున్న హరిణం శిరస్సు
గుండెను గొంతులోంచి
క్రిందకు జారవిడిచింది..


కొoచం దూరం ముందుకడుగులు వేయగానే
చీమలబారు చిటుక్కుమని తగిలింది..
చెరకుముక్కను డొల్లచేయడంలో
కృతకృత్యమయ్యాయని చెప్పకయే చెప్పింది..


ప్రక్కగా వీస్తున్న పరిమళ భరిత సుమదళాల
సోయగాలు మాత్రం
 నన్ను కలత బారినపడకుండా
కాపాడగలిగాయి..


దగ్గరున్న తరువనంలోంచి వీచేగాలికి
గలగలాడుతున్న ఆకులు జీవనరాగాన్ని
ద్విగుణీకృతంచేస్తుండగా ---
అప్పుడప్పుడు నేలమీదకు రాలిపడుతున్న
 పండుటాకులుమత్రం
బ్రదుకు బాటను శిశిరానికి చేర్చకతప్పదని
హెచ్చరికచేస్తూ కదలిపోయింది..